L’OCCITAN : qu’es aquò ?
L’occitan dins totei sei varietats : provençau, aupenc e niçard per nòstra region, es classat per l’UNESCO coma lenga en dangier de disparicion.
Es pasmens partida dau patrimòni immateriau de França e an aqueste títol s’amerita de mesuras per sa sauvagarda/subrevida tant coma se fariá per un monument istoric ò una catedrala.
Occitan : nom generic de la lenga originala parlada dins lo tèrç sud de França, (dins quatre regions administrativas: Novèla-Aquitània, Occitania/Pirenèus-Mediterranea, Auvernha-Ròse-Aups e Provença-Aups-Còsta d’Azur). Es tanben present sus lei territòris espanhòu (Val d’Aran) e italian (dins dotze valadas aupencas).
Dicha tanben lenga d’òc, appellacion anciana que la diferenciava/destriava de la lenga d’oïl, parlada au nòrd.
L’occitan presenta 6 grandei variantas territorialas (auvernhat, gascon, lengadocian, limosin, provençau e vivaro-aupenc) e participa dei “Langues de France”.
CU SIAM ?
La fe sensa òbras, mòrta es !
LA FEDERACION INSTITUT D’ESTUDIS OCCITANS
L’Institut d’Estudis Occitans (IEO), ONG de l’occitan, es una associacion 1901, creada en 1945 qu’a per tòca de promòure e desvolopar la lenga e la cultura occitanas dins son ensems. Es reconoissut d’utilitat publica (1949) e agradat Joinessa e Esports coma associacion d’Educacion Populària (1986).
L’IEO fedèra un malhum de 37 seccions departamentalas e regionalas (en França mai tanben en Espanha e Itàlia), son mai de 2000 aderents.
Site oficiau de l’IEO : https://ieo-oc.org
L’IEO es membre dau Réseau Européen de la Diversité Linguistique (NPLD), dau Comitat Francés dau Burèu Europenc dei lengas minoritàrias mens espandidas (EBLUL-France), membre de la federacion d’associacions European Language Equality Network (ELEN), membre dau collectiu PQVNL : Per Que Viscan Nòstrei Lengas / Pour Que Vivent Nos langues.
LA SECCION REGIONALA : IEO-CREO-PROVENÇA
L’INSTITUT D’ESTUDIS OCCITANS PROVENÇA-PAÍS AUPENC-PAÍS NIÇARD (CENTRE REGIONAU D’ESTUDIS OCCITANS)
L’IEO-CREO (Centre Regionau d’Estudis Occitans), associacion lèi 1901, es la seccion regionala Provença-Aups-Còsta d’Azur de l’Institut d’Estudis Occitans (IEO). Fedèra lei seccions departamentalas e localas, sostèn e desvolopa dins la region l’accion de l’I.E.O. federau.
LEI SECCIONS DEPARTAMENTALAS
● IEO 04-05 (https://www.espaci-occitan.com/fr/association-ieo-04-05-espaci-occitan ).
IEO 04-05 – Espaci Occitan dels Aups. 21 Rue de l’imprimerie. 05000 GAP
● IEO 06 (http://ieo06.free.fr/ )
IEO 06. 19 bis Camin de Clamarquier. 06650 BERGIER (Le Rouret)
● IEO 13 Ostau de Provença. 8bis Av Jules Ferry. Parc Jourdan. 13100 Aix-en-Provence
ieo13@ieo-oc.org
● IEO 83 (http://ieo83.byethost12.com/?i=1 )
Ives Jestin 2795 rota dau Brossan 83330 Evenòs
● IEO 84 (http://www.ieo84.com/).
IEO 84 chez Ch. Fourniller 3259 chemin de la Peyrière 84200 Carpentras