L’IEO nacional comunica

L’amassada generala de l’IEO a Rodés los 22 e 23 d’abril de 2023

L’amassada generala venenta de l’institut d’estudis occitans, aculhida per la seccion d’Avairon (IEO12), se debanará a Rodés los 22 e 23 d’abril de 2023 dins la sala de conferéncia del Centre cultural (25 avenguda Victor-Hugo, 12 000 Rodés).
Totes los aderents de l’IEO son convidats a assistir a l’amassada generala, moment fòrt important dins la vida democratica de nòstra associacion. Lo bilanç de l’annada passada i serà presentat per votacion, e las activitats e accions per l’annada a venir i seràn discutidas e decididas. L’AG serà tanben aquesta annada lo moment de votar per un novèl conselh d’administracion, qu’es elegit totes los dos ans.
Las sesilhas se tendràn lo dissabte aprèp-miègjorn e lo dimenge matin, e una serada festiva es organizada per l’IEO12. Lo programa detalhat de l’AG será donat ulteriorament.

Albergament – repais e serada
Una serada dinatòria (al prètz de 20 €) serà organizada dins la sala de seminari de l’Hôtel du Midi, a costat de la catedrala de Rodés, amb la participacion del cantaire e musicaire Arnaud Cance.
De mai, l’IEO Avairon a obtengut una tarifa preferenciala per los participants a l’AG a l’Hôtel du Midi, 1-12 rue Béteille, 12000 Rodez (https://hotel-du-midi.net/)
Nuech+serada dinatòria+desjunar :  58 € per persona en cambra dobla (lièch doble o bessons) || 78 € per persona en cambra simpla
L’ostalariá, amb una possibilitat de parcatge, es en plen centre de la vila, en fàcia de la catedrala, e a 400 m del luòc de l’amassada generala. Per facilitar l’organizacion, mercé a las personas que son interessadas per l’albergament a tarifa preferenciala a l’Hôtel du Midi d’o senhalar a l’IEO d’Avairon tre ara, o abans la fin de genier a : « ieo.aveyron@gmail.com »   entresenhas : 06 74 75 45 77

  Josiana UBAUD vèn de publicar la segonda edicion de son Diccionari ortografic, gramatical e morfologic de l’occitan, segon los parlars lengadocians.

10 000 intradas novèlas (nombrós toponims e paraulas d’occitan blos relevadas encò d’autors, e totalament absentas de totei lei diccionaris), e corregit quauquei fautas e cauquilhas. Aquò pòrta lo còrpus a 119 000 intradas.
1- Introduction à la lexicographie occitane (198 paginas)
2- Avertiment a la segonda edicion + diccionari sus tres colomnas (862 paginas)
3- Corrections au dictionnaire d’Alibert (31 paginas)

publicat per Vent Terral : 48 èuros